ತುಂಟಾಟ ತಾಳದೆ ಮುನಿದು, ದುರುದುರನೆ ದೂರ ಸರಿದಳು ಅಮ್ಮ
ಒಲವೇ ಕಂಡ ಕಂದನಿಗೆ ಅವಳ ಕಂಗಳಲೂ ಕಂಡಿತು ಗುಮ್ಮ
ಅಮ್ಮನವತಾರವ ಕಂಡು ಬೆದರಿ ಥರಥರನೆ ನಡುಗಿದನು ಪುಟ್ಟ
ಚೆನ್ನಿಲ್ಲದಾ ಕೋಪ ಬೇಡವು ಎಂದು ನಿಂತ ನೆಲದೀ ತಾನು ನೆಟ್ಟ
ತಣಿಯದಮ್ಮನ ಕೋಪ, ಬರಳು ಅಮ್ಮನು ಬಳಿಗೆ, ಸರಿಯಿತು ವಿರಸದಾ ಗಳಿಗೆ
ಮುನಿದ ಅಮ್ಮನಾ ಒಲಿಸುವುದು ಹೇಗೆಂದು ಎಣಿಸುತಾ ನಿಂತನೊಂದುಗಳಿಗೆ
ಕಣ್ಕೆಂಪು ಬೇಕಿಲ್ಲ, ಓಲೈಸಬೇಕಲ್ಲ ರಮಿಸಲೋಡಿದನು ಪುಟ್ಟ
ತಪ್ಪಿನರಿತು ತಾನು ಅಮ್ಮನಾ ಬಿಗಿಹಿಡಿದು ಗಳಗಳನೆ ತುಂಟನತ್ತ
ಮುನಿದ ಅಮ್ಮನು ಕೂಡ ಕಂದನಾ ಕಂಗಳಲಿ ಅಳುವ ಸಹಿಸುವುದಿಲ್ಲ
ಇಳಿಯಿತು ಮುನಿಸೆಲ್ಲ, ಬರಸೆಳೆದು ಮಗನ ಇತ್ತಳು ಮುತ್ತ ಸಿಹಿ ಬೆಲ್ಲ
ತುಂಬಿದಾ ಕಂಗಳಲು ಮಗುವು ತುಸು ನಕ್ಕನು, ವಿರಸಕೆ ಜಾಗವಿನ್ನಿಲ್ಲ
ಸಿಹಿ ಒಲವು ಹರಿಯಿತಲ್ಲೆಲ್ಲಾ...ಸಿಹಿ ಒಲವು ಹರಿಯಿತಲ್ಲೆಲ್ಲಾ...
(೧೪-೧೫ ಜನವರಿ ೨೦೦೯)
-ಶ್ರೀ
ವಿಧ ವಿಧವಾದ ಕಡ್ಲೆ ಕಾಯಿ ವಿತರಿಸುವ ಏಕೈಕ ಬ್ಲಾಗ್ ತಾಣಕ್ಕೆ ಸ್ವಾಗತ... ಇಲ್ಲಿವರೆಗೂ ಬಂದಿದೀರ, ಸ್ವಲ್ಪ ಕಡ್ಲೆ ಕಾಯಿ ತಿಂದು ಹೇಗಿದೆ ಅಂತ ಹೇಳಿ ಹೋಗಿ...
Tuesday, January 27, 2009
Wednesday, January 7, 2009
ಕ್ಲಿಕ್ಕಿಸಿದಾಗ...
ಮೌಸ್ ಕ್ಲಿಕ್ಕಿಸೋದು ಪ್ರತಿ ದಿನದ ಗೋಳೇ ಬಿಡಿ...ಬಿಡುವಿದ್ದಾಗ ಕ್ಯಾಮರ ಕ್ಲಿಕ್ಕಿಸೋ ಪ್ರಯತ್ನ...
ಹೇಗಿದೆ ಹೇಳಿ...?
ಬೇಟೆಗೆ ಹೊಂಚು...
(ಹಿಮಾಲಯದ ತಪ್ಪಲಲ್ಲಿ ಕಂಡ ದೊಣ್ಣೆಕೇತ)

ನಾನೇ ರಾಜಕುಮಾರ...!
(ಗೋಪಾಲಸ್ವಾಮಿ ಬೆಟ್ಟದಲ್ಲಿ)

ನನ್ ಟೋಪಿ...ನಿಂಗ್ ಕೊಡಲ್ಲ...!
(ಶೃಂಗೇರಿ ಶಾರದಾ ಪೀಠ)

ಕೆಂಪಾದವೋ ಎಲ್ಲ ಕೆಂಪಾದವೋ...
(ಚಂದ್ರಗಿರಿ, ತಿರುಪತಿ ಬಳಿ)

ನಿಮಗೆ ಯಾವುದು ಮೆಚ್ಚೆನಿಸಿತು ಹೇಳಿ...
--ಶ್ರೀ
(ಕೆಲವನ್ನು ಇಮೇಜ್ ಎಡಿಟರ್ನಲ್ಲಿ ಎಡಿಟ್ ಮಾಡಲಾಗಿದೆ...)
ಹೇಗಿದೆ ಹೇಳಿ...?
ಬೇಟೆಗೆ ಹೊಂಚು...
(ಹಿಮಾಲಯದ ತಪ್ಪಲಲ್ಲಿ ಕಂಡ ದೊಣ್ಣೆಕೇತ)

ನಾನೇ ರಾಜಕುಮಾರ...!
(ಗೋಪಾಲಸ್ವಾಮಿ ಬೆಟ್ಟದಲ್ಲಿ)

ನನ್ ಟೋಪಿ...ನಿಂಗ್ ಕೊಡಲ್ಲ...!
(ಶೃಂಗೇರಿ ಶಾರದಾ ಪೀಠ)

ಕೆಂಪಾದವೋ ಎಲ್ಲ ಕೆಂಪಾದವೋ...
(ಚಂದ್ರಗಿರಿ, ತಿರುಪತಿ ಬಳಿ)

ನಿಮಗೆ ಯಾವುದು ಮೆಚ್ಚೆನಿಸಿತು ಹೇಳಿ...
--ಶ್ರೀ
(ಕೆಲವನ್ನು ಇಮೇಜ್ ಎಡಿಟರ್ನಲ್ಲಿ ಎಡಿಟ್ ಮಾಡಲಾಗಿದೆ...)
Tuesday, December 30, 2008
ವಿಪರ್ಯಾಸ
’ಹಕ್ಕಿಯ ನೆಲೆ ನಾಶ’ ಎಂದು ಬೊಬ್ಬೆ ಹೊಡೆದ ಪರಿಸರ-ಪ್ರೇಮಿಯ ಮೆಚ್ಚಿ ಅವನ ಮನೆಗೆ ಹೋದೆನು...
ಬಾಗಿಲ ತೆಗೆದವನೆ ಕೆಳಗೆ ನೋಡಿ,
’ಒಳಗೆ ಕೂತುಕೋ...ಹಾಳು ಇರುವೆಗಳು...ಗೂಡು ಒಡೆದು ಬರುವೆ"!!!
~~~ * ~~~
’ನಗರ ಸ್ವಚ್ಛಗೊಳಿಸಿ’ ಕಾರ್ಯಕ್ರಮದ ರೂವಾರಿ ಗೆಳೆಯನ ಜೊತೆಗೆ ಹೊಸದಾಗಿ ಹಾಕಿದ ಕಾಂಕ್ರೀಟ್ ರಸ್ತೆಯ ಮೇಲೆ ಹರಟೆ ಹೊಡೆಯುತ್ತ ನಡೆದೆನು...
ಅಲ್ಲೇ ಸಿಕ್ಕ ಮೆಕ್ಕೆ ಜೋಳವ ತಿಂದು ತೇಗಿ ಅವ, ಎಸೆದ ಬರಡಾದ ಕಡ್ದಿಯ ರಸ್ತೆಯ ಮೇಲೆ...
"ಯಾಕೋ" ಎಂದೆ..."ಅಯ್ಯೋ ನಿನಗೆ ಗೊತ್ತಿಲ್ವಾ, ಅದು ಬಯೋ-ಡಿಗ್ರೇಡಬಲ್!"
~~~ * ~~~
ಕನ್ನಡ ನುಡಿಯ ಬಗ್ಗೆ ಉದ್ದುದ್ದ ಬರಹಗಳ ಬರೆದವನ ಮೆಚ್ಚಿ ಕರೆ ಮಾಡಿದೆ ನಾನು...
"ನಿಮ್ಮನ್ನು ಈ ವಾರ ಭೇಟಿ ಮಾಡಬಹುದೇ?"
ಆ ಕಡೆಯಿಂದ ಉತ್ತರ ಬಂತು -
"ಸಾರಿ ಮ್ಯಾನ್! ದಿಸ್ ವೀಕ್ ಐ ಆಮ್ ವೆರಿ ಬಿಝಿ..ನೆಕ್ಟ್ ವೀಕೆಂಡ್ ಸಿಗೋಣ" !!!
:)
ಬಾಗಿಲ ತೆಗೆದವನೆ ಕೆಳಗೆ ನೋಡಿ,
’ಒಳಗೆ ಕೂತುಕೋ...ಹಾಳು ಇರುವೆಗಳು...ಗೂಡು ಒಡೆದು ಬರುವೆ"!!!
~~~ * ~~~
’ನಗರ ಸ್ವಚ್ಛಗೊಳಿಸಿ’ ಕಾರ್ಯಕ್ರಮದ ರೂವಾರಿ ಗೆಳೆಯನ ಜೊತೆಗೆ ಹೊಸದಾಗಿ ಹಾಕಿದ ಕಾಂಕ್ರೀಟ್ ರಸ್ತೆಯ ಮೇಲೆ ಹರಟೆ ಹೊಡೆಯುತ್ತ ನಡೆದೆನು...
ಅಲ್ಲೇ ಸಿಕ್ಕ ಮೆಕ್ಕೆ ಜೋಳವ ತಿಂದು ತೇಗಿ ಅವ, ಎಸೆದ ಬರಡಾದ ಕಡ್ದಿಯ ರಸ್ತೆಯ ಮೇಲೆ...
"ಯಾಕೋ" ಎಂದೆ..."ಅಯ್ಯೋ ನಿನಗೆ ಗೊತ್ತಿಲ್ವಾ, ಅದು ಬಯೋ-ಡಿಗ್ರೇಡಬಲ್!"
~~~ * ~~~
ಕನ್ನಡ ನುಡಿಯ ಬಗ್ಗೆ ಉದ್ದುದ್ದ ಬರಹಗಳ ಬರೆದವನ ಮೆಚ್ಚಿ ಕರೆ ಮಾಡಿದೆ ನಾನು...
"ನಿಮ್ಮನ್ನು ಈ ವಾರ ಭೇಟಿ ಮಾಡಬಹುದೇ?"
ಆ ಕಡೆಯಿಂದ ಉತ್ತರ ಬಂತು -
"ಸಾರಿ ಮ್ಯಾನ್! ದಿಸ್ ವೀಕ್ ಐ ಆಮ್ ವೆರಿ ಬಿಝಿ..ನೆಕ್ಟ್ ವೀಕೆಂಡ್ ಸಿಗೋಣ" !!!
:)
ಭಗ್ನ ಪ್ರೇಮಿ...
ಒಲವಿನಲಿ
ಮಿಂದು-ಬೆಂದು
ಹೊರ ಬಂದ ಜೀವಕ್ಕೆ,
ಹೊಸತೊಂದು
ಜೀವ ಬಂದು
ಒಲವ ಹೊಳೆ
ಹರಿಸಿದರೂ,
ಆ ಜೀವ
ಹಳೆಯ ಕರುಕಲ
ನೆನೆದು ಬೆದೆರುವುದೇಕೆ?
--ಶ್ರೀ
(೨೬ ಡಿಸೆಂಬರ್ ೨೦೦೮)
ಮಿಂದು-ಬೆಂದು
ಹೊರ ಬಂದ ಜೀವಕ್ಕೆ,
ಹೊಸತೊಂದು
ಜೀವ ಬಂದು
ಒಲವ ಹೊಳೆ
ಹರಿಸಿದರೂ,
ಆ ಜೀವ
ಹಳೆಯ ಕರುಕಲ
ನೆನೆದು ಬೆದೆರುವುದೇಕೆ?
--ಶ್ರೀ
(೨೬ ಡಿಸೆಂಬರ್ ೨೦೦೮)
Labels:
ಒಲವು,
ಚುಟುಕ,
ಭಗ್ನ ಪ್ರೇಮಿ
Friday, December 26, 2008
ಅಟ್ಟವೆಂಬ ಭಂಡಾರ!
ನೆನ್ನೆ ನಮ್ಮ ಮನೆಯ ಅಟ್ಟವನ್ನು ಸ್ವಚ್ಛಗೊಳಿಸೋಣವೆಂದು ನಾವು ಅಲ್ಲಿರುವ ವಸ್ತುಗಳನ್ನೆಲ್ಲ ಇಳಿಸಿದೆವು...
ನಮ್ಮ ಅಟ್ಟದಲ್ಲಿರುವ ವಸ್ತುಗಳು, ನನ್ನ ಚಿಕ್ಕಂದಿನ ದಿನಗಳ ನೆನಪುಗಳನ್ನು ತಂದುಕೊಟ್ಟಿತು...
ಸಿಕ್ಕ ವಸ್ತುಗಳ ಪಟ್ಟಿ:
- ಕೂಡಿಸಿಟ್ಟ ಸುಮಾರು ೫೦೦ ರೀತಿಯ ನಾಣ್ಯಗಳು ಹಾಗೂ ನೋಟುಗಳು
- ವಿವಿಧ ತರಹದ ಬೆಂಕಿ ಪೊಟ್ಟಣಗಳು...
- ವಿವಿಧ ದೇಶದ ಅಂಚೆ ಚೀಟಿಗಳು
- ನಾನು ಚಿಕ್ಕಂದಿನಲ್ಲಿ ಬಿಡಿಸಿದ ಚಿತ್ರಗಳು, ಪೈಂಟಿಂಗ್ಗಳು
- ನಾನು ಆರನೇ ಕ್ಲಾಸಿನಲ್ಲಿ ಬರೆದ ಉತ್ತರ ಭಾರತದ ಪ್ರವಾಸ ಕಥನ
- ನಾನು-ನನ್ನ ಅಕ್ಕ, ಪಕ್ಕದ ಮನೆಯ ಮಕ್ಕಳು ಒಟ್ಟಿಗೆ ಆಡಿದಾಗ ಬರೆದ ಆಟದ ಬರಹಗಳು
- ಹಾವು-ಏಣಿ ಆಟದ ಬೊರ್ಡ್
- ಪಗಡೆ ಕಾಯಿಗಳು
- ಕವಡೆಗಳು, ಕಪ್ಪೆ ಚಿಪ್ಪುಗಳು
- ನನ್ನ ಅಕ್ಕನು ಅಂಟಿಸಿ ತಯಾರಿಸಿದ 'A for apple' ನಿಂದ 'z for zebra' ಎಂಬ ಪುಸ್ತಕ
- ಹುಟ್ಟು ಹಬ್ಬಕ್ಕೆ ಗೆಳೆಯರು ಕೊಟ್ಟ ಶುಭಾಶಯ ಪತ್ರಗಳು (ಗ್ರೀಟಿಂಗ್ ಕಾರ್ಡ್)
- ಲಿಟಲ್ ಜೈಂಟ್ಸ್ ಎಂಬ ಮ್ಯಾಗಝೀನ್ ನವರು ನಡೆಸಿದ್ದ ಬಣ್ಣ ಹಾಕುವ ಸ್ಪರ್ಧೆಯಲ್ಲಿ ಗೆದ್ದದ್ದಕ್ಕೆ ಕೊಟ್ಟ ಪ್ರಮಾಣ ಪತ್ರ
- ನಾನು ಬಟ್ಟೆಯ ಮೇಲೆ ಮಾಡಿದ ಚಿತ್ತಾರಗಳು, ಕೈ-ಕೆಲಸಗಳು
- ನ್ಯೂಸ್ ಪೇಪರ್ ನಲ್ಲಿ ಬರುತ್ತಿದ್ದ ಕ್ರಿಕೆಟ್ ಆಟಗಾರರ ಚಿತ್ರಗಳನ್ನು ಕತ್ತರಿಸಿ ಶೇಖರಿಸಿದ್ದ ಒಂದು ಫೈಲ್
- 'ಬಿಗ್ ಫನ್' ಬಬ್ಬಲ್ ಗಮ್ಮಿನ ಒಳಗೆ ಸಿಗುತ್ತಿದ್ದ ಕ್ರಿಕೆಟ್ ಪಟುಗಳ ಚಿತ್ರಗಳು
(ನನಗೆ ಬಬ್ಬಲ್ ಗಮ್ ಕೊಡಿಸುತ್ತಿಲ್ಲವಾದರೂ, ಆಗ ಗೆಳೆಯರನ್ನು ಕಾಡಿ ಬೇಡಿ ಶೇಖರಿಸುತ್ತಿದ್ದೆ!)
- ನನ್ನ, ಅಕ್ಕನ ಸ್ಕೂಲಿನ ಮಾರ್ಕ್ಸ್ ಕಾರ್ಡ್-ಗಳು
- ಎಸ್.ಎಸ್.ಎಲ್.ಸಿ ಮತ್ತು ಪಿ.ಯು.ಸಿ ಹಾಲ್ಟಿಕೆಟ್ಗಳು
- ನಾನು ಸಣ್ಣವನಿದ್ದಾಗ ಶಾಲೆಯಲ್ಲಿ ಬರೆದಿದ್ದ 'ಉಕ್ತಲೇಖನ'ದ ಪದಗಳ ಪಟ್ಟಿ
- ನನಗೆ ಬಹುಮಾನವಾಗಿ ಸಿಕ್ಕ ಹಲವು ಪುಸ್ತಕಗಳು
- ನನ್ನ ಚಿಕ್ಕಪ್ಪ ತಂದು ಕೊಟ್ಟ ರಷ್ಯನ್ ಜಾನಪದ ಕಥೆ ಪುಸ್ತಕಗಳು
- ಬೊಂಬೆ ಮನೆ, ಚಂದಮಾಮ ಪುಸ್ತಕಗಳು
- ನಾನು ಮತ್ತು ಅಕ್ಕ ಕೂಡಿ ಹಾಕುತ್ತಿದ್ದ 'ಸ್ಟಿಕರ್' ಗಳು...
- ಹಳೆಯ ಪುಸ್ತಕದಲ್ಲಿ ಇಟ್ಟ ಗಿಣಿಯ ಪುಕ್ಕ
- ನವಿಲುಗರಿ
- ಸ್ಕೂಲಿಗೆ ಕೊಂಡೊಯ್ಯುತ್ತಿದ್ದ ಅಲ್ಯೂಮಿನಿಯಂ ಸೂಟ್ ಕೇಸ್
- ಸಂಗೀತದ ಪುಸ್ತಕ
- ಇಂಜಿನೀರಿಂಗ್ನಲ್ಲಿ ಕ್ಲಾಸ್ಮೇಟ್ಗಳು ಅಂಗಿಯ ಮೇಲೆ ಬರೆದ ಹಸ್ತಾಕ್ಷರಗಳು
- ಇಂಟರ್ನೆಟ್ ಮಿತ್ರರು ಬರೆದ ಪತ್ರಗಳು
ಹೀಗೆ ಎನೇನೋ...
ಇವೆಲ್ಲ ಕೂತು ನೆನ್ನೆ ನೋಡುತ್ತಿದ್ದಾಗ ಮನದಲ್ಲಿ ಹಾದು ಹೋದ ಸುಂದರ ನೆನಪುಗಳ ಎಣಿಕೆ ಎಷ್ಟೋ!
ಈಗ ಮತ್ತೆ ಅಟ್ಟಕ್ಕೆ ಇವೆಲ್ಲವನ್ನೂ ಇಡಬೇಕು...ಮತ್ತೆ ಎಷ್ಟು ವರ್ಷಗಳಾದ ಮೇಲೆ ಇದನ್ನೆಲ್ಲ ತೆಗೆಯುವೆನೋ ತಿಳಿಯದು...
ಎಷ್ಟು ಕಸ ಕೂಡಿ ಹಾಕುವೆನೆಂದು ಅಮ್ಮ ಮತ್ತು ಅಕ್ಕನ ಹತ್ತಿರ ಬಯ್ಸಿಕೊಂಡರೂ ಸರಿಯೇ ನನಗೆ ಇವೆಲ್ಲ ಬೇಕು...ಮತ್ತೆ ಇಂದು ಅಟ್ಟ ಸೇರಲಿವೆ...
ಕೆಲವು ಬೊಂಬೆಮನೆ , ಚಂದಮಾಮ ಪುಸ್ತಕಗಳನ್ನು ಕೆಳಗೆ ಇಟ್ಟುಕೊಂಡಿರುವೆ ಓದಲಿಕ್ಕೆ ಅಂತಾ... Smiling
ನೀವು ಹೀಗೆ 'ಕಸ' ಕೂಡಿ ಹಾಕ್ತೀರಾ?
--ಶ್ರೀ
ನಮ್ಮ ಅಟ್ಟದಲ್ಲಿರುವ ವಸ್ತುಗಳು, ನನ್ನ ಚಿಕ್ಕಂದಿನ ದಿನಗಳ ನೆನಪುಗಳನ್ನು ತಂದುಕೊಟ್ಟಿತು...
ಸಿಕ್ಕ ವಸ್ತುಗಳ ಪಟ್ಟಿ:
- ಕೂಡಿಸಿಟ್ಟ ಸುಮಾರು ೫೦೦ ರೀತಿಯ ನಾಣ್ಯಗಳು ಹಾಗೂ ನೋಟುಗಳು
- ವಿವಿಧ ತರಹದ ಬೆಂಕಿ ಪೊಟ್ಟಣಗಳು...
- ವಿವಿಧ ದೇಶದ ಅಂಚೆ ಚೀಟಿಗಳು
- ನಾನು ಚಿಕ್ಕಂದಿನಲ್ಲಿ ಬಿಡಿಸಿದ ಚಿತ್ರಗಳು, ಪೈಂಟಿಂಗ್ಗಳು
- ನಾನು ಆರನೇ ಕ್ಲಾಸಿನಲ್ಲಿ ಬರೆದ ಉತ್ತರ ಭಾರತದ ಪ್ರವಾಸ ಕಥನ
- ನಾನು-ನನ್ನ ಅಕ್ಕ, ಪಕ್ಕದ ಮನೆಯ ಮಕ್ಕಳು ಒಟ್ಟಿಗೆ ಆಡಿದಾಗ ಬರೆದ ಆಟದ ಬರಹಗಳು
- ಹಾವು-ಏಣಿ ಆಟದ ಬೊರ್ಡ್
- ಪಗಡೆ ಕಾಯಿಗಳು
- ಕವಡೆಗಳು, ಕಪ್ಪೆ ಚಿಪ್ಪುಗಳು
- ನನ್ನ ಅಕ್ಕನು ಅಂಟಿಸಿ ತಯಾರಿಸಿದ 'A for apple' ನಿಂದ 'z for zebra' ಎಂಬ ಪುಸ್ತಕ
- ಹುಟ್ಟು ಹಬ್ಬಕ್ಕೆ ಗೆಳೆಯರು ಕೊಟ್ಟ ಶುಭಾಶಯ ಪತ್ರಗಳು (ಗ್ರೀಟಿಂಗ್ ಕಾರ್ಡ್)
- ಲಿಟಲ್ ಜೈಂಟ್ಸ್ ಎಂಬ ಮ್ಯಾಗಝೀನ್ ನವರು ನಡೆಸಿದ್ದ ಬಣ್ಣ ಹಾಕುವ ಸ್ಪರ್ಧೆಯಲ್ಲಿ ಗೆದ್ದದ್ದಕ್ಕೆ ಕೊಟ್ಟ ಪ್ರಮಾಣ ಪತ್ರ
- ನಾನು ಬಟ್ಟೆಯ ಮೇಲೆ ಮಾಡಿದ ಚಿತ್ತಾರಗಳು, ಕೈ-ಕೆಲಸಗಳು
- ನ್ಯೂಸ್ ಪೇಪರ್ ನಲ್ಲಿ ಬರುತ್ತಿದ್ದ ಕ್ರಿಕೆಟ್ ಆಟಗಾರರ ಚಿತ್ರಗಳನ್ನು ಕತ್ತರಿಸಿ ಶೇಖರಿಸಿದ್ದ ಒಂದು ಫೈಲ್
- 'ಬಿಗ್ ಫನ್' ಬಬ್ಬಲ್ ಗಮ್ಮಿನ ಒಳಗೆ ಸಿಗುತ್ತಿದ್ದ ಕ್ರಿಕೆಟ್ ಪಟುಗಳ ಚಿತ್ರಗಳು
(ನನಗೆ ಬಬ್ಬಲ್ ಗಮ್ ಕೊಡಿಸುತ್ತಿಲ್ಲವಾದರೂ, ಆಗ ಗೆಳೆಯರನ್ನು ಕಾಡಿ ಬೇಡಿ ಶೇಖರಿಸುತ್ತಿದ್ದೆ!)
- ನನ್ನ, ಅಕ್ಕನ ಸ್ಕೂಲಿನ ಮಾರ್ಕ್ಸ್ ಕಾರ್ಡ್-ಗಳು
- ಎಸ್.ಎಸ್.ಎಲ್.ಸಿ ಮತ್ತು ಪಿ.ಯು.ಸಿ ಹಾಲ್ಟಿಕೆಟ್ಗಳು
- ನಾನು ಸಣ್ಣವನಿದ್ದಾಗ ಶಾಲೆಯಲ್ಲಿ ಬರೆದಿದ್ದ 'ಉಕ್ತಲೇಖನ'ದ ಪದಗಳ ಪಟ್ಟಿ
- ನನಗೆ ಬಹುಮಾನವಾಗಿ ಸಿಕ್ಕ ಹಲವು ಪುಸ್ತಕಗಳು
- ನನ್ನ ಚಿಕ್ಕಪ್ಪ ತಂದು ಕೊಟ್ಟ ರಷ್ಯನ್ ಜಾನಪದ ಕಥೆ ಪುಸ್ತಕಗಳು
- ಬೊಂಬೆ ಮನೆ, ಚಂದಮಾಮ ಪುಸ್ತಕಗಳು
- ನಾನು ಮತ್ತು ಅಕ್ಕ ಕೂಡಿ ಹಾಕುತ್ತಿದ್ದ 'ಸ್ಟಿಕರ್' ಗಳು...
- ಹಳೆಯ ಪುಸ್ತಕದಲ್ಲಿ ಇಟ್ಟ ಗಿಣಿಯ ಪುಕ್ಕ
- ನವಿಲುಗರಿ
- ಸ್ಕೂಲಿಗೆ ಕೊಂಡೊಯ್ಯುತ್ತಿದ್ದ ಅಲ್ಯೂಮಿನಿಯಂ ಸೂಟ್ ಕೇಸ್
- ಸಂಗೀತದ ಪುಸ್ತಕ
- ಇಂಜಿನೀರಿಂಗ್ನಲ್ಲಿ ಕ್ಲಾಸ್ಮೇಟ್ಗಳು ಅಂಗಿಯ ಮೇಲೆ ಬರೆದ ಹಸ್ತಾಕ್ಷರಗಳು
- ಇಂಟರ್ನೆಟ್ ಮಿತ್ರರು ಬರೆದ ಪತ್ರಗಳು
ಹೀಗೆ ಎನೇನೋ...
ಇವೆಲ್ಲ ಕೂತು ನೆನ್ನೆ ನೋಡುತ್ತಿದ್ದಾಗ ಮನದಲ್ಲಿ ಹಾದು ಹೋದ ಸುಂದರ ನೆನಪುಗಳ ಎಣಿಕೆ ಎಷ್ಟೋ!
ಈಗ ಮತ್ತೆ ಅಟ್ಟಕ್ಕೆ ಇವೆಲ್ಲವನ್ನೂ ಇಡಬೇಕು...ಮತ್ತೆ ಎಷ್ಟು ವರ್ಷಗಳಾದ ಮೇಲೆ ಇದನ್ನೆಲ್ಲ ತೆಗೆಯುವೆನೋ ತಿಳಿಯದು...
ಎಷ್ಟು ಕಸ ಕೂಡಿ ಹಾಕುವೆನೆಂದು ಅಮ್ಮ ಮತ್ತು ಅಕ್ಕನ ಹತ್ತಿರ ಬಯ್ಸಿಕೊಂಡರೂ ಸರಿಯೇ ನನಗೆ ಇವೆಲ್ಲ ಬೇಕು...ಮತ್ತೆ ಇಂದು ಅಟ್ಟ ಸೇರಲಿವೆ...
ಕೆಲವು ಬೊಂಬೆಮನೆ , ಚಂದಮಾಮ ಪುಸ್ತಕಗಳನ್ನು ಕೆಳಗೆ ಇಟ್ಟುಕೊಂಡಿರುವೆ ಓದಲಿಕ್ಕೆ ಅಂತಾ... Smiling
ನೀವು ಹೀಗೆ 'ಕಸ' ಕೂಡಿ ಹಾಕ್ತೀರಾ?
--ಶ್ರೀ
Labels:
ಅಟ್ಟ,
ಹೀಗೆ-ಸುಮ್ಮನೆ
Tuesday, December 23, 2008
ಕನಸ ಕಾಣಿರಿ ನೀವೆಲ್ಲ - ಹಗಲುಗನಸು!
ಕನಸನು ಕಾಣಲು ಇಲ್ಲವು ವಯಸು!
ಪುಟ್ಟನಿಗೂ ಇದೆ ಮಿಠಾಯಿಯ ಕನಸು!!
ತಾತನಿಗೂ ಇದೆ ಬದರಿಯ ಕನಸು!!!
ಮನದಲಿ ಕಾಣಿರಿ ಎಲ್ಲರೂ ಕನಸು...
ಕನಸನು ಮಾಡಿರಿ ಬೇಗನೆ ನನಸು...
ಕನಸದು ನನಸಾಗಲು ಬಲು ಸೊಗಸು!
ಕಾಣಿರಿ ಎಲ್ಲರೂ ಚೆಂದದ ಕನಸು... :)
--ಶ್ರೀ
(೨೩ - ಡಿಸೆಂಬರ್ - ೨೦೦೮)
ಪುಟ್ಟನಿಗೂ ಇದೆ ಮಿಠಾಯಿಯ ಕನಸು!!
ತಾತನಿಗೂ ಇದೆ ಬದರಿಯ ಕನಸು!!!
ಮನದಲಿ ಕಾಣಿರಿ ಎಲ್ಲರೂ ಕನಸು...
ಕನಸನು ಮಾಡಿರಿ ಬೇಗನೆ ನನಸು...
ಕನಸದು ನನಸಾಗಲು ಬಲು ಸೊಗಸು!
ಕಾಣಿರಿ ಎಲ್ಲರೂ ಚೆಂದದ ಕನಸು... :)
--ಶ್ರೀ
(೨೩ - ಡಿಸೆಂಬರ್ - ೨೦೦೮)
ಹಗಲುಗನಸು
ಹಗಲುಗನಸು
-----------
ತೋಟದಿ
ನಾವೀರ್ವರು ಇರಲು
ನಲ್ಲೆಯ ಮಡಿಲೊಳು
ತಲೆ ಇರಿಸಿರಲು
ನಲ್ಲೆಯ ಬೆರಳು
ಆಡುತಲಿರಲು
ನಲ್ಲೆಯ ಒಲವಲಿ
ನಾ ತೋಯ್ದಿರಲು
ಭುವಿಯೇ ಸ್ವರ್ಗವಲ್ಲವೇನು?
--ಶ್ರೀ
(೨೩ - ಡಿಸೆಂಬರ್ - ೨೦೦೮)
-----------
ತೋಟದಿ
ನಾವೀರ್ವರು ಇರಲು
ನಲ್ಲೆಯ ಮಡಿಲೊಳು
ತಲೆ ಇರಿಸಿರಲು
ನಲ್ಲೆಯ ಬೆರಳು
ಆಡುತಲಿರಲು
ನಲ್ಲೆಯ ಒಲವಲಿ
ನಾ ತೋಯ್ದಿರಲು
ಭುವಿಯೇ ಸ್ವರ್ಗವಲ್ಲವೇನು?
--ಶ್ರೀ
(೨೩ - ಡಿಸೆಂಬರ್ - ೨೦೦೮)
Subscribe to:
Posts (Atom)