ಕಾಮನಬಿಲ್ಲು

ಆ ಒಂದು ಸಂಜೆ ನಮ್ Juniper terraceನಲ್ಲಿ ನಿಂತಿದ್ದಾಗ ಹನಿ ಹನಿ ಮಳೆ ಬಂದು, ಕಾಮನ ಬಿಲ್ಲು ಮೂಡಿತು...
ಮೂಡಿದ್ದೇ ಮೂಡಿದ್ದು ಎನು ಮೋಡಿ ಹಾಕ್ತೋ, ನನ್ನ ದಡ್ಡ ತಲೇಗೂ ಒಂದು ಕವನ ಹೊಳೀತು, ಇಲ್ಲಿದೆ ಓದಿ

ಕಾಮನಬಿಲ್ಲು

ಆಗಸದಿ ಮೂಡಿತು ಕಾಮನಬಿಲ್ಲು
ರಂಗಿನ ಓಕುಳಿ ಎಲ್ಲೆಲ್ಲೂ

ಸಿಂಚನವೇ ಈ ತುಂತುರು ಮಳೆಯು
ನಲಿ ನಲಿಯುತ್ತಿವೆ ಮಿಂದಾ ಸಸಿಯು

ಹಾರುವ ಹಕ್ಕಿಗಳಿಂಪಿನ ದನಿಯು
ಇದ ನೋಡಲು ಇಣುಕಿದ ರವಿಯು

ಬಿರಿದಿವೆ ನಗುತಿವೆ ಹೂವು-ಹುಲ್ಲು
ಕುಣಿಯುವ ಚಿಣ್ಣರ ಗುಲ್ಲೋ ಗುಲ್ಲು

ಪ್ರಕೃತಿಯ ರಸವೇ ಬಹು ರುಚಿಯು
ಇದ ಮರೆಯದೆ ಮನುಜ ನೀ ಮೆಲ್ಲು... ನೀ ಮೆಲ್ಲು...

(ಬರೆದ ದಿನಾಂಕ - ೭-ಆಗಸ್ಟ್-೨೦೦೬)