ರಾಮಾಯಣದ ಸುಂದರ ಕಾಂಡವು ಬಹು ಜನಪ್ರಿಯವಾದದ್ದೇ...
ನಾನು ಈ ಸುಂದರ ಕಾಂಡದಲ್ಲಿ ಬಣ್ಣಿಸಿರುವ ಒಂದು ಸನ್ನಿವೇಶವನ್ನು ಭಿನ್ನ ರೀತಿಯಲ್ಲಿ ಚಿತ್ರಿಸ ಬಯಸುತ್ತೇನೆ...
ದಾರಿಯ ತೋರೋ ಸಿರಿ ರಾಮ
ದಾರಿಯ ತೋರೋ ಸಿರಿ ರಾಮ ದಿನವೂ
ಜಪಿಸುವೆ ನಾನು ನಿನ್ನ ನಾಮ...
ಜಾಂಬವನಿಂದಲಿ ಬಲವನು ಅರಿತೆ
ಅಂಬರದಾಚೆಗೆ ಒಮ್ಮೆಲೆ ಬೆಳೆದೆ
ಸಾಗರವನ್ನು ಸುಲಭದಿ ಅಳೆದೆ || ದಾರಿಯ ||
ಮೈನಾಕವನು ಲಂಘಿಸಿ ನಡೆದೆ
ಲಂಕಿಣಿಯನ್ನು ಕುಟ್ಟಿ ನಾ ತರಿದೆ
ಬಿಂಕದಿ ನಾನು ಲಂಕೆಲಿ ಮೆರೆದೆ || ದಾರಿಯ ||
ಗರುವವು ಎಂದು ಮೆಟ್ಟಿತೋ ಅರಿಯೆ
ಮಾತೆಯ ಕಾಣದೆ ಎಲ್ಲೆಡೆ ಅಲೆದೆ
ನಿನ್ನಯ ನಾಮವ ಏತಕೋ ಮರೆತೆ || ದಾರಿಯ ||
ಅನುದಿನ ಸ್ಮರಿಸುವೆ ನಿನ್ನ ನಾಮ...
ಅನುಕ್ಷಣ ನೆನಯುವೆ ನಿನ್ನ ನಾಮ...
ದಾರಿಯ ತೋರೋ ಸಿರಿ ರಾಮ || ದಾರಿಯ ||
(ಈ ರಚನೆ ಅಹಿರ್-ಭೈರವ್/ಚಕ್ರವಾಕ ಧಾಟಿಯಲ್ಲಿದೆ)
--ಶ್ರೀ
(೨೨-ಜನವರಿ-೨೦೦೯)
